Pavlodarda suıyq bıtým tıegen júk kóligi aýdarylyp qaldy
PAVLODAR. KAZINFORM — Apat saldarynan kólik tsısternasynan 19,5 tonna suıyq bıtým jer betine tógilgen. Pavlodar alıýmınıı zaýytynyń órtke qarsy bólimshesi aýmaqqa kóbik shashyp tastady.
Jol-kólik apaty alıýmınıı zaýyty mańyndaǵy avtojol boıynda bolǵan.
«Búgin saǵat 19.15-te 112 qyzmetine suıyq bıtým tıegen tsısternaly Kamaz kóliginiń aýdarylyp qalǵany týraly habar tústi. Júk kóligi búıirine jantaıyp qulap, ydysyndaǵy suıyq bıtým jerge tógilgen. Oqıǵa ornyna alıýmınıı zaýytynyń órtke qarsy bólimshesiniń qyzmetkerleri bardy. Bıtým tógilgen jerdiń jalpy aýmaǵy — 260 sharshy metr. Órt sóndirýshiler aýmaqqa kóbik shashyp tastady. Tótenshe jaǵdaılar departamentiniń kúshteri de oqıǵa ornynda júr» dep málimdedi Pavlodar oblysy tótenshe jaǵdaılar departamentiniń baspasóz qyzmetinen.
Aýmaq qorshalyp, tramvaılar qozǵalysy toqtatylǵan.
Qazirgi ýaqytta bıtým tasıtyn júk kóligin kóterý úshin avtokran jumys istep jatyr.
Apatqa ushyraǵan kólik júrgizýshisi din aman, aýrýhanaǵa jatýdan bas tartty.
