Pavlodarda «SýperTsON» jobasy barlyq qyzmetterdi qoljetimdi etti

ASTANA. KAZINFORM — Jyl basynan beri Pavlodar oblysynda turǵyndardan 90 myńnan astam ótinish tústi, onyń 70%-dan astamy sheshimin tapty. Bul týraly óńir ákimi Asaıyn Baıhanov baıandady. 

Ákim búgingi kúnge deıin júzege asyrylyp jatqan mańyzdy bastamalardyń kóbi halyqpen úzdiksiz baılanys arqyly qalyptasqanyn atap ótti.

— Ózara árekettestik pen tıimdi keri baılanys ornatýda biz áleýmettik jelilerdi negizgi platforma retinde qolǵa aldyq. Jyl basynan beri bizge 90 myńnan astam ótinish tústi, onyń 70%-dan astamy oń sheshimin taýyp, qalǵany jumysqa alyndy, — dedi Asaıyn Baıhanov elordada Ortalyq kommýnıkatsııalar qyzmetinde.

Bıyl shilde aıynda «SýperTsON» jobasy aıasynda jańa Azamattardy qabyldaý ortalyǵy iske qosyldy. Munda bir jerde halyqqa qyzmet kórsetý ortalyǵynyń, memlekettik organdardyń qyzmeti jáne qoǵamdyq qabyldaýdyń barlyq qyzmeti halyqqa qoljetimdi.

— Osy jańashyldyq arqasynda bizdiń oblys halyqpen tıimdi jumys isteý jóninen eldegi úzdik bes óńirdiń qatarynda, — deıdi oblys ákimi.

Sonymen birge, qoǵamdyq qaýipsizdik maqsatynda 156 áleýmettik nysanǵa 5 567 beınekamera ornatylǵan, olardyń 97%-y polıtsııa departamentiniń Jedel ortalyǵyna qosylǵan.

Aıta keteıik, Pavlodarda áleýmettik salaǵa oblys bıýdjetiniń 51% paıyzdan astamy bólinedi. Jalpy óńirde 25,5 myń jańa jumys orny ashyldy. Jumyssyzdyq 4,8% paıyz deńgeıinde saqtalyp otyr.

Buǵan deıin oblys ákimi óńirdegi jylý magıstralderi tolyq jańartylǵanyn aıtqan edi.