Pavlodarda sýǵa túsý maýsymyna daıyndyq bastaldy
PAVLODAR. KAZINFORM — Jazǵy ýaqytta oblystaǵy jaǵajaılarda 90 qutqarýshy turǵyndardyń sýdaǵy qaýipsizdigin baqylaıdy. Sý aıdyndarynda qaýipsizdikti qamtamasyz etý maqsatynda drondar da qoldanylady.
Qazir sý aıdyndarynyń jaǵalaýlary qoqystan tazartylyp, shomylatyn oryndar retke keltirilip jatyr. Maýsym aıynan bastap jedel qutqarý jasaǵynyń jeke quramy úsh aılyq kúsheıtilgen jumys tártibine kóshedi. Mamandardyń aıtýynsha, shtattyq kestege sáıkes 90 qyzmetker turǵyndardyń sýdaǵy qaýipsizdigin qamtamasyz etedi.
— Jergilikti aqtarýshy organdardan kelip túsken ótinimge sáıkes, Ertis ózeniniń jaǵajaılary tekserilip, tazalanyp jatyr. 28 mamyrdyn bastap kommýnaldyq jaǵajaılarda jumys isteıtin qoǵamdyq qutqarýshylardy oqytý bastaldy. Olar arnaıy sertıfıkat ıelenip, kommýnaldyq jaǵajaılarda qyzmet atqarady, — deıdi óńirlik tótenshe jaǵdaılar departamenti jedel-qutqarý jasaǵy basshysynyń orynbasary Serik Sherııazdanov.
Eske sala keteıik, Aqtóbede jaǵajaılardyń kóbi shomylý maýsymyna daıyn emes.
