Pavlodarda sýǵa batyp ketken balanyń denesi 4 kúnnen keıin tabyldy

Іzdeýshiler jasaǵynyń jetekshisi Ekaterına Kýdrıavtsevanyń aıtýynsha, 12 jasar uldyń denesi avtomobıl kópiriniń astynan tabylǵan.

«Búgin balanyń denesin izdegenimizge tórtinshi kún. Kómektesýge kelgen adamdarmen birge avtokólik kópiriniń astyna qaıyqpen ótip, taptyq. Denesin jaǵaǵa shyǵaryp, qutqarýshylardy shaqyrdyq», - dedi erikti.

Aıta keteıik, 19 tamyz kúni ortalyq jaǵalaýda dostarymen birge shomylyp júrgen 12 jasar bala sýǵa batyp ketti.

«VITA» izdeýshiler jasaǵynyń málimdeýinshe, dostary qoryqqannan úlkenderge bolǵan jáıt týraly birden aıtpaǵan.