Pavlodarda sýǵa bata jazdaǵan er adam qutqaryldy
PAVLODAR. QazAqparat - Oblystyq Tótenshe jaǵdaılar departamentiniń qyzmetkerleri Ertis ózenine batyp kete jazdaǵan pavlodarlyqty qutqardy, dep habarlaıdy QazAqparat tilshisi.
«1983 jyly týǵan er adam spırtti ishimdiktiń áserimen abaısyzda sýǵa túsip ketken», - deıdi Pavlodar oblystyq TJD jedel-qutqarý jasaǵynyń ókilderi.
Qutqarýshylardyń aıtýynsha, Pavlodar turǵyny №2 qalalyq aýrýhana mańynda ózenge qulaǵan. Kómek suraǵan aıǵaıdy estigen qutqarýshy Dáýren Ádilhanov daýys shyqqan jaqqa qaraı júgire jónelgen, qutqarý jeletin de jolda kıgen.
«Sýǵa batyp bara jatqan jigitti kórgen Dáýren birden ózenge sekirgen. Osy kezde qutqarýshy Mıhaıl Tıslenko da motorly qaıyqty otaldyryp, oqıǵa ornyna jedel attanǵan», - deıdi TJD ókilderi.
Departamenttegilerdiń aıtýynsha, sýdaǵy qaıǵyly oqıǵalardyń seksen paıyzy adamdardyń mas kúıde shomylýynan bolady.
