Pavlodarda sýdy zańsyz paıdalanǵandarǵa 20 mln teńgeden astam aıyppul salyndy
PAVLODAR. KAZINFORM – Pavlodar oblysynda sharýashylyq qajettilikter úshin sýdy zańsyz alýdyń 50-ge jýyq faktisi anyqtalyp, kinálilerge 20 mln teńgeden astam aıyppul salyndy.
Tabıǵat qorǵaý prokýratýrasy men Ertis basseındik sý resýrstaryn retteý, qorǵaý jáne paıdalaný ınspektsııasy birlesken jumys júrgizdi. Tekserý barysynda sharýashylyq qajettilikter úshin sýdy zańsyz paıdalaný jaǵdaılary tirkeldi.
Aýyl sharýashylyǵy kásiporyndary, kommýnaldyq uıymdar jáne demalys bazalary Sý kodeksiniń talaptaryn buzǵan. Olar arnaıy ruqsattyń joqtyǵyna qaramastan, jerústi jáne jerasty sý resýrstaryn paıdalanǵan.
Prokýrorlyq qadaǵalaý aktisi boıynsha 15 tulǵa ákimshilik jaýaptylyqqa tartylyp, olarǵa jalpy somasy 20 mln teńgeden astam aıyppul salyndy. Bul baǵyttaǵy jumys jalǵasyp jatyr.
Osyǵan deıin Aqmola oblysynda dárigerdiń qyzmettik páterin qaıtarýǵa prokýratýra aralasqanyn jazdyq.
