Pavlodarda sý jylytqysh órttiń tutanýyna sebep boldy
PAVLODAR. QazAqparat – Pavlodardaǵy Bekturov kóshesi, 75-shi úıde bir bólmeli páterde elektr symdarynyń qysqa tuıyqtalýy saldarynan sý jylytqysh órtengen, dep habarlaıdy pavlodarnews.kz.
Bul týraly oblystyq TJD-niń baspasóz qyzmeti málim etti. - Órt shyqqany týraly habarlama kezekshilik bólimine saǵat 21.30-da kelip tústi, - deıdi departamentte. - Órt sóndirýshiler kelgenge deıin ózdiginen 17 adam syrtqa shyqqan. Onyń úsheýi – bala. Joǵary qabattaǵy páterden 1983 jylǵy áıel adam aýyr dárejede ysty gazben ýlaný dıagnozymen № 1 qalalyq aýrýhananyń jansaqtaý bólimine jetkizildi. Budan basqa, ysty gazben ýlanǵan 2007 jylǵy qyz ben 2004 jylǵy ul bala oblystyq balalar aýrýhanasynyń somatıka bólimshesine jatqyzyldy. Tilsiz jaý saǵat 22.14-de aýyzdyqtalyp, 22.27-te tolyǵymen sóndirildi.
