Pavlodarda sý tasqynynan zardap shekkenderge kómek kórsetilmek

PAVLODAR. QazAqparat - Qazaqstannyń Qyzyl jarty aı qoǵamy Pavlodarda sý tasqynynan zardap shekken qazaqstandyqtarǵa gýmanıtarlyq kómek kórsetý aktsııasyn jarııalady, dep habarlaıdy «QazAqparat» HAA tilshisi.

Aktsııa barysynda jınalǵan qarajatqa zardap shekken azamattarǵa qajetti zattar alýǵa jumsalady, dep habarlady Qyzyl jarty aı qoǵamynyń Pavlodardaǵy bólimshesiniń basshysy Gúlnár Isaqanova.

Kómek qarjylaı aqsha aýdarý túrinde de, azyq-túlik, jeke gıgıena zattary, JJM túrinde de qabyldanady.

«Qazirgi tańda barlyq qazaqstandyqtar adamzattyń tabıǵı apattyń aldynda qaýqarsyz ekendigine kýá bolyp otyr. Sonyń ishinde, Pavlodar oblysy da bar, - dedi Isaqanova. - Bizdiń Aqtóbe, Qaraǵandy jáne Aqmola oblysyndaǵy otandastyrymyz zardap shekti. Qıyn jaǵdaıǵa tap bolǵan halyq bizdiń qoldaýymyzǵa zárý! Zardap shekkenderdiń qaıǵysyna ortaqtasyp, Pavlodar jáne Pavlodar oblysynyń turǵyndaryn kómek kórsetýge shaqyramyz».