Pavlodarda sý qubyrlary jelisi taǵy da isten shyqty
PAVLODAR. QazAqparat - Pavlodarda taǵy da sý qubyrlary jelisi jaryldy, dep habarlaıdy «QazAqparat» HAA tilshisi.
Pavlodarda tańǵy saǵat beste basty qubyry jaryldy. Sý sol sátte óshirildi. Osyǵan baılanysty, qazir móltekaýdanda (Kamzın-Gagarın kósheleri) múldem sý joq. Apat sýyq sý qubyrynda oryn aldy. Kópqabatty úıdiń beseýi men jeke úıler qazirgi tańda sýsyz otyr. Sý jiberetin kolonkalar da óshirilgen. Oqıǵa tańǵy saǵat beste oryn aldy, dep habarlady Pavlodar oblystyq turǵyn úı sharýashylyǵy, jolaýshylar jáne avtomobıl joldary bóliminen. TJ ornynda apattyq tehnıka jumys jasaýda.
«Brıgada jarylǵan jerdi izdestirýde, sebebi sý asfaltqa basqa jerden aqqan. Sý qubyrdyń basqa bóliginen ketken», - dedi «Pavlodar-Vodokanal» JShS bas ınjeneriniń orynbasary Vladımır Sarapýltsev.
«Apat - tozyǵy jetken sý qubyrynyń saldarynan oryn aldy», dep habarlady Vladımır Sarapýltsev. Jaýapty mekeme ony búgin keshke deıin jóndemek.
