Pavlodarda sý qubyryn tartý kezinde topyraq astynda qalǵan adam kóz jumdy

Pavlodarda eki er adam sý qubyryn tartý kezinde topyraqtyń astynda qaldy. Kazinform bul týraly Pavlodarnews.kz-ke silteme jasap habarlaıdy. 

Oblystyq tótenshe jaǵdaılar departamenti baspasóz qyzmetiniń málimetinshe, oqıǵa 15 qazanda Dostoevskıı kóshesinde jeke úıdiń aýlasynda bolǵan. Úı ıesine kómektesip jatqan eki er adam sý qubyryn tartý kezinde topyraqtyń astynda qaldy.

«Qutqarýshylar 1977 jyly týǵan azamatty úıindi astynan shyǵardy. Er adam aýrýhanaǵa jatqyzýdan bas tartty. Ókinishke qaraı, 1972 jyly týǵan ekinshi adamdy aman alyp qalý múmkin bolmady», – deıdi departamentten.

Azamattardy qutqarý jumystaryna on bir adam men úsh tehnıka jumyldyryldy.

Eske sala keteıik, densaýlyq saqtaý basqarmasynda 46 jastaǵy tiri qalǵan er adam qatty stress alǵanyn habarlady. Oǵan «uzaqmerzimdi jeńil dárejede qysylyp qalý» sındromy degen dıagnoz qoıyldy.