Pavlodarda sý basý qaýpi tóngen kóshelerge arnaıy tehnıkalar jumyldyryldy

PAVLODAR. KAZINFORM - Kesheden beri qala ishindegi kóshelerdiń birazy kilkigen kólshikke aınaldy. Ásirese, jeke úıler sektoryndaǵy baspanalarǵa qaýip tóndi.

Qardyń jyldam erýinen búgin túske qaraı Zaporojskaıa kóshesindegi eki jer úıge sý kirý qaýpi týyndaǵan edi. Bul jerge atqarýshy organ men tótenshe jaǵdaı qyzmetiniń tehnıkalary jumyldyrylyp, erigen qar sýy sorylyp alynyp jatyr.

«Qazir qaýip seıildi. 19 naýryz kúni saǵat 12.10-den bastap Vorýshın-Qazpravda kósheleriniń qıylysynda TJD jáne jergilikti atqarýshy organ kúshterimen kóshe jolyndaǵy erigen qar sýyn sorý jumystary jalǵasyp jatyr. Qazirgi tańda 1300 tekshe metr sý soryldy», dep habarlady TJD-dan.

Sý sorý jumystaryna barlyǵy 6 adam men 3 birlik tehnıka, 2 motopompa jumyldyrylǵan.