Pavlodarda stýdent qyzdarǵa arnalǵan tegin jataqhana ashyldy
Bir jyl buryn stýdent jigitterge arnalǵan jataqhana ashylǵan. Onda joǵary oqý oryndarynyń kúndizgi oqý bóliminde oqıtyn stýdentter turyp jatyr. Osy eki ǵımarattyń da elektr, sý jáne taǵy da basqa da barlyq kommýnaldyq tólemderin esimin jarııa etýden bas tartqan kásipker tólep otyr.
QMDB Pavlodar oblysy boıynsha ókil ımamy Narıman qajy Isenovtyń sózinshe, qazirgi ýaqytta uldarǵa arnalǵan jataqhanada eki ustaz jumys isteıdi. Jataqhanany ashýdaǵy negizgi maqsat - stýdentterdi turatyn jermen qamtamasyz etý, adamgershilikke, mədenıettilikke, qazaq halqynyń salt-dəstúrin jəne de Otanǵa degen súıispenshilikke, salaýatty ómir saltyn ustanýǵa úıretý.
«Bizdiń meshittiń jamaǵaty bolǵan kásipkerdiń ıgi isi basqa da adamdarǵa úlgi bola alady. Aǵamyzdyń jasap otyrǵan jaǵdaıynyń arqasynda jastarǵa qazaqı tárbıe berip, ulttyq qundylyqtardy jańǵyrtý múmkindigine ıe bop otyrmyz. Óıtkeni keler urpaqqa qaldyratyn eń qundy baılyǵymyz - ol jaqsy tárbıe. Munda turý tegin, barlyq jaǵdaı jasalǵan, tegin azyq-túlikpen de kómektesip turady», - deıdi Narıman qajy Isenov.
Qyzdar jataqhanasyndaǵy stýdentter sabaqtan bos ýaqytta Məshhúr Júsip meshitiniń ustazy Juldyz Kajýevamen qolóner shyǵarmashylyǵy jəne de as daıyndaý, sporttyq is-sharalarmen aınalysady. 30 adamǵa arnalǵan qyzdar jataqhanasynda qazirgi tańda 24 qyz turyp jatyr. Al 60 er adamǵa arnalǵan bólmelerde 20-ǵa jýyq jigit turady. Olardyń basym bóligi jaǵdaıy tómen otbasylardyń balalary. 
«Biz buryn páterdi jaldap turatynbyz. Bólmelerimiz keń, barlyǵy tamasha uıymdastyrylǵan. Bizge osyndaı qamqorlyq jasap otyrǵan aǵalarymyzǵa Alla razy bolsyn. Endi jaqsy oqyp, olardyń senimderin aqtaýǵa tyrysamyz», - deıdi Gúlnar esimdi qyz.
Juldyz ustaz qyzdarmen áıel adamnyń otbasyndaǵy mindetteri jáne ata-anamen, kúıeýimen, balalarymen qarym-qatynas qurý týraly túrli trenıng, semınarlar uıymdastyrady. Aıta keteıik, baspanaǵa muqtaj stýdentterge arnalǵan tegin jataqhana Qazaqstan boıynsha alǵash ret Pavlodar oblysynda ashylyp otyr.