Pavlodarda sporttyq qalashyq salynady
ASTANA. QazAqparat - Pavlodarda memlekettik-jeke menshik seriktestik aıasynda olımpıadalyq rezervti daıyndaý ortalyǵynyń qurylysy, jeńil atletıkalyq jáne fýtbol manejderi kiretin jobany júzege asyrý josparlanyp otyr, dep habarlaıdy pavlodarnews.kz.
Jańa sporttyq nysandar «Qulager» ıppodromynyń aýmaǵynda tanystyrylady. Qalashyq aldaǵy bir jarym jyldyń ishinde ashylady. 14 myń sharshy metrde ornalasqan 1000 orynǵa arnalǵan minbesi bar jeńilatletıkalyq manej Halyqaralyq jeńil atletıka federatsııasynyń barlyq talaptaryna saı keledi. Ortalyqtyń shatyrynda shaǵyn fýtbol alańyn qurý josparlanyp otyr. Eger de fýtbol maneji týraly aıtatyn bolsaq, bul óńirdegi alǵashqy tolyq kólemdi alań bolmaq. Munda 500-den astam avtomobıl turaǵy qarastyrylǵan.
Pavlodar oblysynyń ákimine eskız jobasyn «KazEdemStroıGrýpp» JShS-niń ókilderi tanystyrdy. Olar memlekettik-jekemenshik seriktestik aıasynda quny 6,5 mıllıard teńge turatyn úsh nysannyń qurylysymen aınalysady. Sport qalashyǵyn turǵyzýǵa jobalyq-smetalyq qujattama saraptamadan ótkennen keıin taraptar kelisimshart jasaı alady. Osyǵan sáıkes bıýdjet qurylysshynyń shyǵyndaryn 3-4 jyldyń ishinde toltyrady.
«Jeńil atletıkalyq manej ben olımpıadalyq daıyndaý ortalyǵynyń jobalyq-smetalyq qujattamasyn jeltoqsan aıynyń ortasynda, fýtbol manejiniń qujattamasyn kelesi jyldyń qańtar aıynda tapsyrý kózdelip otyr», - dedi «KazEdemStroıGrýpp» JShS-niń dırektory Álimjan Ismaılov.
«2018 jyly naýryz aıynda qurylys bastalsa, bul úsh nysan kelesi jyldyń sońynda tolyq salynyp bolady. Bolat Baqaýov bılik ókilderi jekemenshik ıelerimen mundaı seriktestikke daıyn ekenin aıtty. Degenmen birinshi kezekte sapaǵa nazar aýdaryp, jumysty aıaqtaýǵa asyqpaýdy surady.
«Naqty merzimdi ustanaıyq», - dedi óńir basshysy.
«Jańa nysandardy kún jyly bolǵan kezde ashýdy qoldaımyn. Sport alańdaryn 2019 jyldyń maýsym aıynda qoldanysqa bergen durys. Buǵan qosa, qoǵamdyq kóliktiń qatynaý jolyn qarastyrý kerek. Qazirgi tańda taraptar kelisimderdiń keıbir tustary týraly pikir almasýda. Usynylǵan joba boıynsha saraptama shyqqannan keıin ǵana qol qoıylýy múmkin».
