Pavlodarda sport mektebiniń shatyry opyryla qulady
PAVLODAR. QazAqparat - Pavlodarda «Batyr» sport mektebiniń shatyry opyryla qulady. Balalar jedel evakýatsııalandy, zardap shekkender joq, dep habarlaıdy QazAqparat Pavlodarnews.kz-ke silteme jasap.
Tótenshe jaǵdaı búgin saǵat 10:05-te bolǵan.
Óńirlik týrızm jáne sportty damytý basqarmasy basshysynyń orynbasary Nurlan Esembaevtyń aıtýynsha, Kataev kóshesi, 63/1a mekenjaıy boıynsha ornalasqan «Batyr» BJSM boks zalynda shatyr qulap túsken.
- Zardap shekkender joq, - dep naqtylady Nurlan Esembaev. - Zalda eshkim bolmaǵan. Tańerteń jattyǵý boldy, shatyrdyń qulaǵanyn estigen sátte balalar jedel evakýatsııalandy. Mektepte dırektor men vahter boldy. Eki eden plıtasy qulaǵany belgili. Onyń ne sebepti qulaǵanyn anyqtaý boıynsha komıssııa quryldy. Quramyna oblystyń TJD jáne MSQB qyzmetkerleri kirdi.
Ǵımarat 1984 jyly paıdalanýǵa berilgen.
Qazir ǵımaratty polıtsııa qorshap, anyqtaý jumystary júrgizilýde.
