Pavlodarda sottalǵandardy jalǵan jumysqa ornalastyrýdyń 300-ge jýyq deregi anyqtaldy
PAVLODAR. KAZINFORM — Pavlodar oblysynyń prokýratýrasy sottalǵandardyń eńbekpen qamtylý kórsetkishterin qoldan arttyrý derekterin anyqtady.
Júrgizilgen taldaý barysynda eseptilikke is júzinde jumys istemegen jáne olarmen eńbek sharttary jasalmaǵan sottalǵandardyń engizilgeni málim bolǵan.
— Eseptik derekterge sáıkes, qylmystyq-atqarý júıesi mekemeleriniń birinde eńbekke qabiletti 855 sottalǵannyń 494-i jumysqa ornalastyrylǵan dep kórsetilgen. Sonymen qatar, zeınetaqy aýdarymdary men áleýmettik tólemder týraly málimetterdi tekserý nátıjesinde is júzinde 205 sottalǵannyń ǵana jumysqa ornalasqany rastaldy. Osylaısha, 289 adam is júzinde jumysqa ornalastyrylmaǵan, al eńbekpen qamtý kórsetkishi 2,5 esege artyq kórsetilgen, — dep habarlady óńirlik prokýratýradan.
Sottalǵandardy jalǵan jumysqa ornalastyrý «Eńbek-Pavlodar» fılıalynyń buıryǵymen resimdelgen.
Sonymen qatar, prokýratýra sottalǵandardy jumysqa ornalastyrý boıynsha jumystyń tıisinshe uıymdastyrylmaýy anyqtalǵan buzýshylyqtarǵa sebep bolǵanyn belgiledi.
Zań buzýshylyqtarǵa kináli laýazymdy tulǵalar tártiptik jaýapkershilikke tartylǵan.
Eske sala keteıik, Pavlodar oblysynda 53 jeke sot oryndaýshysy 535,6 mln teńge kirisin jasyrǵan.
