Pavlodarda sottalǵandar ulttyq stıldegi turmystyq zattar jasaıdy
PAVLODAR. QazAqparat - Pavlodarda sottalǵandar ulttyq stıldegi turmystyq zattardy jasaıdy. Turmystyq zattar óndirisin AP-162/4 mekemesinde iske qosty, dep habarlaıdy Pavlodarnews.kz.
Oblystyq QAJ departamenti baspasóz qyzmetiniń málimetinshe, sottalǵandar atqa minýge arnalǵan er-toqymdar men at ábzelderin, sondaı-aq úıge arnalǵan ulttyq stıldegi buıymdardy daıyndaıdy.
«Búginde taýarlar suranysqa ıe. Barlyq qajetti materıaldardy mekemeniń óndiristik aımaǵyna jetkizemiz. Mysaly, er-toqymdy jasaý úshin shamamen bir apta ketedi. Tapsyrys berýshilerdiń ólshemderi men eskızderin sottalǵandarǵa beremiz. Barlyq ónimder tapsyrys boıynsha jasalady. Sapasy jaǵynan qala bazarlarynda satylatyn zattardan erekshelenbeıdi», - dep atap ótti «Eńbek Pavlodar» RMK basshysynyń orynbasary Asylbek Saparbekuly.
Ulttyq buıymdardy óndirý tsehynda bes sottalǵan jumysqa ornalastyryldy. Olardyń barlyǵy atqarǵan jumysy úshin jalaqy alady. Kolonııa basshylyǵynyń aıtýynsha, olar alynǵan qarajatty qajetti zattardy satyp alýǵa jumsaıdy jáne sot shaǵymdaryn óteıdi.
