Pavlodarda sońǵy úsh jylda qazaq synybyn tańdaǵan oqýshylar úlesi turaqty ósip kele jatyr

PAVLODAR. KAZINFORM — Jańa oqý jylynda óńir boıynsha 11 myńǵa jýyq bala mektep tabaldyryǵyn alǵash attaıdy. Olardyń 52,2%-y qazaq synyptaryn tańdap otyr.

Óńirdiń bilim berý basqarmasy birinshi synypqa qabyldanatyn balalar arasynda memlekettik tildi tańdaǵandardyń úlesi turaqty ósip kele jatqanyn habarlady.

— Pavlodar oblysynda 359 mektep, 116 myńnan astam oqýshy bar. 2025-2026 oqý jylynda birinshi synypqa 11 myńǵa jýyq bala barady dep kútilip otyr. Birinshi synyptar boıynsha qazaq tilinde — 5510, orys tilinde 5 042 synyp bolady. Mektep tabaldyryǵyn alǵash attaıtyn jetkinshekterdiń 52,2%-y qazaq synyptaryn tańdaǵan. Jyl ótken saıyn Ertis boıynda qazaq tilinde oqyǵysy keletin birinshi synyp oqýshylarynyń sany artyp kele jatqanyn atap ótken jón, — deıdi Bilim berý basqarmasy basshysynyń mindetin atqarýshy Gúlmıra Bashırova.

Eger 2020 jyly bul kórsetkish 35,5% bolsa, 2023 — 43%, 2024 jyly — 45% bolǵan. Bıyl birden 7,2%-ǵa artyp otyr.

Eske sala keteıik, SQO-da jańa oqý jylynda eki jańa mektep paıdalanýǵa beriledi.