Pavlodarda sóndirilmeı tastalǵan temeki tuqylynan 1 mıllıon teńge shyǵyn keldi
PAVLODAR. QazAqparat - Lýgansk aýylynda temeki tuqylyn sóndirmegen azamat aýyldasyna 1 mıllıon teńge shamasynda zııan keltirdi, dep habarlaıdy «QazAqparat» HAA tilshisi.
«Polıtsııa órttiń tutanýyna sebepshi bolǵan kúdiktini anyqtady. Ol Pavlodar aýdanyndaǵy Lýgansk aýylynyń 26 jastaǵy turǵyny bolyp shyqty. Aýyldasynyń aýlasynda temeki shegip turyp, tuqylyn sóndirmeı laqtyra salǵan. Sodan órt tutanyp, úı ıesiniń qysqy mal azyǵyna jınaǵan 90 tonna shóbi janyp ketken», - deıdi Pavlodar oblystyq ishki ister departamentindegiler.
Órttiń saldarynan keltirilgen zalal mıllıon teńgeden asady. Kúdiktige qatysty QR Qylmystyq kodeksiniń 204-baby («Bótenniń múlkin abaısyzda joıý nemese búldirý»), 2-bóligine sáıkes tergep-tekserý bastaldy.
