Pavlodarda sómkedegi Power Bank jarylyp, boıjetkendi kúıik shaldy
PAVLODAR. KAZINFORM - Jelide boıjetkenniń sómkesinen aldymen tútin shyǵyp, keıin jarylys bolǵany týraly beınekadrlar tarady.
Oqıǵa Pavlodardaǵy fıtnes-klýbtardyń birinde bolǵan. () Beınebaqylaý kamerasynyń kadrlarynan sómkeden aldymen qoıý tútin shyǵa bastaǵanyn kórýge bolady. Boıjetken muny birden baıqamaıdy, al ony sheshýge árekettengen kezde jarylys bolady. Sómkedegi Power Bank-tiń tutanǵany kórsetilgen.
Bul aqparatty Pavlodar oblystyq jedel járdem stantsııasy rastady. Shaqyrtý 14 maýsym kúni kúndizgi saǵat 4-ter shamasynda túsken.
– Shaqyrtý Estaı kóshesindegi fıtnes-klýbtan tústi. Zardap shegýshi – 39 jastaǵy áıel, oǵan deneniń 10%-dan azyn quraıtyn termııalyq kúıik dıagnozy qoıyldy. Ol Pavloda qalalyq birinshi aýrýhanasynyń travmatologııalyq pýnktine jetkizildi, – dep habarlady jedel járdem stantsııasynan.
Pavlodar oblystyq densaýlyq saqtaý basqarmasynyń málimetinshe, aýrýhanaǵa jetkizilgen zardap shegýshi aýrýhanaǵa jatýdan bas tartqan.
Eske sala keteıik, buǵan deıin Almatyda oqý-jattyǵý barysynda granata merziminen buryn jarylyp ketken edi.
