Pavlodarda soqqan daýyl kóptegen ǵımaratty shatyrsyz qaldyrdy
PAVLODAR. QazAqparat - Pavlodar oblysyndaǵy aýyldy jerlerde qatty jeldiń saldarynan mektep, jeke JShS, dúken, elektr jelisi kásiporyndarynyń shatyrlary qırap, eki kólik zaqymdandy. Daýylda eshkim zardap shekpegen, dep habarlaıdy QazAqparat.
«23 mamyrda 10.20-da Jelezınsk aýdanyndaǵy Jelezınka aýylynda qatty jeldiń saldarynan (jyldamdyǵy 16 m/s) №2 orta mekteptiń 15 sharshy metr shatyry qıraǵan. Oqıǵadan eshkim zardap shekpedi», - dep habarlady Pavlodar oblystyq TJD baspasóz qyzmetinen. 
Búgin 11.50-de Aqtoǵaı aýylynda «Aqtoǵaı Agro» JShS-na qarasty jóndeý tsehynyń aýmaǵy 168 sharshy metr shatyryn jel (jyldamdyǵy 20 m/s) ushyryp áketti. Sonyń saldarynan «PREK ARES» AQ elektr jelileri kompanııasynyń tórt sharshy metrlik jabyny jáne eki jeńil kólikke zaqym kelgen. Eshkim zardap shekpegen.
«12.43-te Qashyr aýdanyndaǵy Tereńkól aýylynda Toraıǵyrov kóshesiniń boıyndaǵy «Rostık ı K» dúkeniniń shatyryn jyldamdyǵy 19 m/s jel aýmaǵy 355 sharshy metr shatyryn ushyryp áketti», - delingen habarlamada.
