Pavlodarda smartfon arqyly basqarylatyn jaryqdıodty shamdar ornatý usynyldy
PAVLODAR. QazAqparat - Búgin "Ertys Invest-2016" forýmynyń plenarlyq bóliminde "Altocom" fırmasynyń dırektory Rabın Amraev Pavlodar qalasynyń kóshelerine smartfon arqyly basqarylatyn jaryqdıodty shamdar ornatýdy usyndy, dep habarlaıdy pavlodarnews.kz.
Rabın Amraevtyń aıtýynsha, mundaı jańashyldyq Taldyqorǵan, Aqtóbe jəne Atyraý qalalarynda engizilgen. Búgingi kúni kóptegen qalalarda jaryqtandyrý məseleleri ótkir tur. Qazaqstanda 40 paıyz jaryqpen qamtylmaǵan qalalar bar. Jergilikti atqarýshy organdar osy məseleni sheshýde jumys istep keledi.
«Qazirgi kezde memlekettik satyp alýlardyń basym bóligi tender arqyly júrgiziledi. Dese de, qyzmettiń quny sapasyna saı bolýy múmkin. Mysaly, bir shamdy aýystyrý kerek bolsa, kóshedegi barlyq shamdar qosylatyny belgili. Bul energııa kózin shamadan tys jumsaýǵa ákeledi. Al biz usynǵan shamdar barlyq shamnyń qosylýyn talap etpeıdi. Sonymen qatar, shamdardy qosyp, óshirý, jaryq berý kólemin ulǵaıtý nemese azaıtý, isten shyqqaly turǵan shamdardy aldyn ala tekserý smartfon arqyly júzege asyrylmaq. Tolyqtaı osy júıege kóshý Pavlodar qalasynda bir jyl ýaqytty alady, - dedi ol.
