Pavlodarda shomylý maýsymy bastalǵaly 7 adam sýǵa ketken
PAVLODAR. KAZINFORM - Qutqarýshylar osy ýaqyt ishinde 49 adamdy tilsiz jaýdan qutqaryp qalǵan. Olardyń arasynda 8 bala bar.
Bul týraly óńirlik tótenshe jaǵdaılar departamentinen habarlady.
Oblys aýmaǵynda qabyldanǵan profılaktıkalyq sharalarǵa qaramastan, bıylǵy shomylý maýsymynda 7 adam sýǵa batyp ketken. Onyń ekeýi – kámeletke tolmaǵandar. Bul rette 49 adam qutqarylǵan. Olardyń arasynda 8 bala bar.
- Sý aıdyndarynda qaza tabýdyń negizgi sebepteri - tyıym salynǵan oryndarda jáne alkogoldik mas kúıinde shomylý. Qurban bolǵan jeti adamnyń altaýy shomylýǵa jabdyqtalmaǵan oryndarda sýǵa ketken. Sonymen qatar jergilikti atqarýshy organdar ornatqan «Shomylýǵa tyıym salynady» belgilerdi adamdardyń ádeıi alyp tastaǵan jaǵdaılary da tirkeldi, - deıdi óńirlik tótenshe jaǵdaılar departamenti tótenshe jaǵdaılardy joıý basqarmasynyń bastyǵy Tilekjan Ǵalıamov.
Qaýipsizdik talaptaryn buzǵany úshin 300-den astam adam ákimshilik jaýapkershilikke tartylǵan. Budan bólek, shaǵyn kólemdi kemelerdi mas kúıinde basqarǵany úshin bes qylmystyq is tirkelgen.
Eske sala keteıik, Ertis ózenine batyp ketken er adamnyń denesi tórt kúnnen soń tabyldy.
