Pavlodarda shilde aıynan bastap elektr qýatynyń tarıfi ózgeredi
PAVLODAR. KAZINFORM – Bıylǵy 1 shildeden Pavlodarda elektr energııasynyń tarıfi 6,7%-ǵa ósedi dep josparlanyp otyr. Tutynýshylar bir kVt/saǵ úshin burynǵy 32,58 teńgeniń ornyna 34,76 teńge tóleıtin bolady
Tabıǵı monopolııalardy retteý komıtetiniń Pavlodar oblysy boıynsha departamentiniń basshysy Nurlan Nurmuratovtyń aıtýynsha, tarıf ózgerisiniń jeke tutynýshylarǵa qatysy joq. Barlyq salmaq bıýdjettik mekemeler men bıznes qurylymdarǵa túsedi.
- Jeke tulǵalar, ıaǵnı turmystyq tutynýshylar úshin baǵa ózgergen joq. Tarıf ózgerisi bıýdjettik uıymdar úshin 3,08%-dy jáne ózge tutynýshylar úshin 13,55% boldy. Jylý tarıfi de halyq pen bıznes úshin burynǵy deńgeıde qalyp otyr. Al bıýdjettik mekemeler úshin jylý energııasynyń tarıfi 10,7%-ǵa artady, - dep atap ótti Nurlan Nurmuratov.
Eske sala keteıik, Pavlodarda jeke tulǵalar úshin elektr qýatynyń tarıfi sońǵy ret 2025 jyldyń tamyzynda kóterilgen bolatyn.
