Pavlodarda sheteldik azamatty óltirdi degen kúdikpen eki boıjetken ustaldy
ASTANA. QazAqparat - Pavlodar qalasynda quqyq qorǵaýshylar kisi óltirdi degen kúdikpen 19 jastaǵy eki boıjetkendi ustady, dep habarlaıdy «QazAqparat» HAA tilshisi Pavlodar oblysy ІІD-niń Vkontakte jelisindegi aqparatyna silteme jasap.
Aqparat kózinen habarlanǵandaı, 13 qazan kúni qalanyń Ýsolksıı shaǵynaýdanynda 25 jastaǵy jigittiń máıiti tabylǵan. Onyń denesinen zorlyq belgileri anyqtalǵan.
«Qylmystyq polıtsııa qyzmetkerleri qylmystyń izin sýytpaı eki boıjetkendi ustady. Onyń biri qalanyń oqý oryndarynyń birinde ekinshi kýrsta oqıdy. Kúdiktiler óz aıyptaryn moıyndap otyr. Aldyn ala anyqtalǵanyndaı, jigit pen boıjetkenniń biri janjaldasyp qalǵan. Budan keıin qyz úıden ketip, óziniń qurbysymen birge pyshaq alyp qaıta kelgen», - delingen habarlamada.
Pavlodar oblysynyń ІІD-niń aqparatyna sáıkes, ólgen adam sheteldik bolǵan. Qazirgi ýaqytta QR QK 99-baby 2-bóligi boıynsha (kisi óltirý) qylmystyq is qozǵalyp, kúdiktiler qamaýǵa alyndy.
