Pavlodarda sheneýnik konıak pen konfet alǵany úshin 1 mln-nan astam aıyppul tóleıdi
PAVLODAR. QazAqparat - Pavlodardyń mamandandyrylǵan ákimshilik soty sheneýnikke 600 aılyq eseptik kórsetkish aıyppul saldy, dep habarlady «QazAqparat» HAA tilshisi.
Jeltoqsan aıaǵynda, sottyń baspasóz qyzmetinde habarlaǵandaı, Komıtettiń medıtsınalyq qyzmetti tóleý departamentiniń qyzmetkeri 0,5 lıtr konıak pen bir keli konfet jáne A5 formatty kúndelikti syıǵa alǵan. Bul áreket Qazaqstannyń ÁQtK 677-baby boıynsha jazalanady.
Sot memlekettik qyzmetshi syılyqty alǵany úshin 600 AEK kóleminde nemese 1 361 400 teńge aıyppul tóleý úkimin shyǵardy.
Pavlodar mamandandyrylǵan ákimshilik sotynda túsindirgendeı, syılyqtyń jalpy quny 3200 teńgeni quraǵan. Eger syılyq 2 AEK-ten qymbat bolsa, qylmystyq jazaǵa tartylǵan bolar edi.
Úkim zańdy kúshine engen joq.
