Pavlodarda shekarany zańsyz kesip ótpek bolǵan shetel azamaty ustaldy
PAVLODAR. KAZINFORM — UQK Shekara qyzmeti Pavlodar oblysy boıynsha departamentiniń áskerı qyzmetshileri zańsyz kóshi-qondy uıymdastyrýǵa qatysy bar kúdikpen taǵy eki azamatty qolǵa túsirdi.
Ulttyq qaýipsizdik komıtetiniń Shekara qyzmeti Pavlodar oblysy boıynsha departamentiniń áskerı qyzmetshileri Memlekettik shekarany zańsyz kesip ótýge talpynǵan shetel azamatyn ustady.
— Sonymen qatar, zańsyz kóshi-qondy uıymdastyrýǵa qatysy bar kúdikpen eki azamat qolǵa tústi. Atalǵan derekter boıynsha QR Qylmystyq kodeksiniń 394-baby 2 bólimi boıynsha sotqa deıingi tergep-tekserý amaldary júrgizilýde, — dep habarlady departamentten.
Shekara qyzmeti tergeý múddesine baılanysty, ózge málimetter Qylmystyq-protsestik kodeksiniń 201-babyna sáıkes jarııa etilmeıdi. Shekara qyzmetiniń mamandary Memlekettik shekarany buzýǵa jáne ony uıymdastyrýǵa umtylǵan azamattar zań aldynda qylmystyq jaýapkershilikke tartylatynyn eskertedi.
Eske sala keteıik, Aqtóbede shekaradan ótpek bolǵan júk kóliginen 29 sheteldik anyqtaldy.