Pavlodarda sharýa qojalyǵy 800 tonnadan astam kartopty zańsyz satqan

PAVLODAR. KAZINFORM - Saýda-sattyq zańnamasyn buzǵan kásipkerge qatysty 13 ákimshilik hattama toltyrylǵan. Sot sheshimi boıynsha memleket paıdasyna 3 935 750 teńge aıyppul óndirildi.

Saýda-sattyqtyń ashyqtyǵyn, naryq sýbektileriniń teń qoljetimdiligin qamtamasyz etý jáne baǵa manıpýlıatsııalaryna jol bermeý maqsatynda QR Ulttyq ekonomıka mınıstriniń 2015 jylǵy 26 aqpandaǵy №142 buıryǵymen taýar bırjalary arqyly mindetti túrde ótkizilýge jatatyn bırjalyq taýarlardyń tizbesi bekitilgen. Bul tizbege jańa pisken jáne salqyndatylǵan kartop ta engizilgen. ıAǵnı atalǵan ónimniń kólemi 60 tonnadan asqan kezde tek bırjalyq saýda-sattyqqa ruqsat etiledi.

- Ókinishke qaraı, Pavlodar oblysyndaǵy sharýa qojalyǵy bul zańnamanyń talaptaryn aınalyp ótip, 812 tonna kólemindegi kartopty bırjasyz sattqan. Derekterdi qaraý nátıjeleri boıynsha kásipkerge qatysty 13 ákimshilik hattama toltyrylyp, Pavlodar qalasynyń ákimshilik quqyq buzýshylyqtar jónindegi mamandandyrylǵan aýdanaralyq sotyna shaǵym jasaldy. Sot sheshimi boıynsha jeńildik eskerile otyryp, memleket paıdasyna 3 935 750 teńge óndirildi, -dep habarlady QR Básekelestikti qorǵaý jáne damytý komıtetiniń Pavlodar oblystyq departamentinen.

Departament bırjalyq taýarlardy belgilengen erejelerdi buza otyryp ótkizgenderge QR Ákimshilik quqyq buzýshylyq týraly Kodeksinde kózdelgen ákimshilik jaýapkershilikter qoldanylatynyn eske saldy.

Eske sala keteıik, Aýyl sharýashylyǵy mınıstrligi sıyr eti kartop retinde eksporttaldy degen aqparat jalǵan dep málimdedi.