Pavlodarda shákirtin qaıshymen urǵan horeograf sotqa tartyldy
PAVLODAR. QazAqparat - M. Kataev atyndaǵy Pavlodar oblystyq oqýshylar saraıynyń pedagogy sotqa tartyldy, dep habarlaıdy «QazAqparat» HAA tilshisi.
«1 jeltoqsan kúni Oqýshylar saraıynda ótip jatqan sabaq kezinde horeograf Aısulý Meralıeva 2011 jylǵy tárbıelenýshini qaıshymen urǵan, - dep habarlady Pavlodar oblystyq sotynyń baspasóz qyzmetinde. - Sotta ol óz kinásin moıyndap, ókinetinin málimdedi. Іs taraptardyń tatýlasýymen aıaqtaldy».
Oblystyq sotta habarlaǵandaı, bı sabaǵy kezinde balany urǵany úshin pedagogqa qatysty ákimshilik is ashylǵan. Búldirshinniń ata-anasy ony sotqa bergen.
Oqýshylar saraıyndaǵy pedagogtar onyń osy mekemede birneshe ret jumys istep, qaıta shyǵyp ketkenin aıtqan. Onyń ústinen birneshe ret balalar da, ata-analar da shaǵym túsirgen. Muǵalimderdiń aıtýynsha, Oqýshylar saraıyndaǵy jumys - muǵalimniń negizgi jumysy emes. Ol kóp ýaqytyn kosmetıka boıynsha jelilik bıznes salasyndaǵy qyzmetine bóledi eken.
