Pavlodarda shahmattan el chempıonaty bastaldy
ASTANA. QazAqparat - 5-16 qańtar aralyǵynda pavlodarlyq Shahmat úıinde jasóspirimder men qyzdar arasynda Qazaqstan chempıonaty ótedi, dep habarlaıdy pavlodarnews.kz.
Jarysqa elimizdiń ár óńirinen 680-nen astam sportshy qatysady. Olardyń arasynda sport sheberleri, Azııa jáne álem chempıonattarynyń júldegerleri de bar.
Saıys Halyqaralyq Shahmat Federatsııasynyń erejesine saı ótkiziledi. Barlyq jastaǵy toptardyń birinshi taqta oıyndary ınternet arqyly onlaın túrde jarııalanady.
Týrnırdiń júlde qory úsh mıllıon teńgeden asady.
