Pavlodarda shabdaly tosaby arqyly sottalýshyǵa esirtki ótkizýge árekettengen
PAVLODAR. QazAqparat - Pavlodarda AP-162/1 mekemesinde jazasyn ótep jatqan sottalýshyǵa qala turǵyny aılakerlikpen tyıym salynǵan esirtki zatyn ótkizip jibermek bolǵan.
Bul týraly Pavlodar oblysy boıynsha qylmystyq-atqarý júıesi departamentiniń mamany Aıgúl Syzdyqova aıtty, dep habarlaıdy pavlodarnews.kz .
«Mekeme qyzmetkerleri qabyldaý-tapsyrý bólmesinde sottalýshy B.Katsskııge A.Martens degen azamattan kelgen zattardy tekserý júrgizgen», - deıdi Aıgúl Syzdyqova. - Sol sátte «Shabdaly tosaby» degen jazýy bar plastmass banki kózge túsken. Ydysty ashqan kezde ishinen surǵylt-jasyl tústi belgisiz zat salynǵan tsellofan qalta shyqqan».
Osy jaǵdaıǵa qatysty Pavlodar qalasy ІІB-nyń ońtústik tergeý toby shaqyryldy. Mamannyń aıtýynsha, shyny ydys sot-hımııalyq saraptamaǵa jiberilgen. Nátıjesinde tosaptyń ishinen tabylǵan zat esirtki - marıhýana ekeni anyqtaldy. Atalmysh fakti boıynsha materıaldar qylmystyq deńgeıdi anyqtaý maqsatynda sotqa jóneltildi. 
