Pavlodarda serpindik stýdentter óńirdiń kıeli oryndaryna saıahat jasaıdy
ASTANA. QazAqparat - Pavlodar oblysynyń ákimi Bolat Baqaýov «Rýhanı jańǵyrý» baǵdarlamasy aıasynda qurylǵan jobalyq keńseniń atqaryp jatqan jumystarymen tanysty, dep habarlaıdy pavlodarnews.kz.
Kezdesý barysynda ishki saıasat basqarmasynyń basshysy Ernur Dáýenov «Qazaqstannyń qasıetti jerleri» arnaıy baǵdarlamasy sheńberinde jasalǵan jumystar jaıynda baıandady.
«Oblystyq ishki saıasat basqarmasymen «Sakraldy jerlerge saıahat» atty keń kólemdi aktsııasy bastaldy», - dedi Ernur Dáýenov.
«Aktsııaǵa óńirdiń búkil turǵyndary qatysýda. Іs-sharanyń basty maqsaty - oblys turǵyndaryn óńirdiń sakraldy jerlerimen tanystyrý, sondaı-aq bul oryndardy ishki týrızm nasandary retinde nasıhattaý. Bir aı boıy oblys turǵyndary men qonaqtary óńirdiń kıeli jerlerimen tanysatyn bolady. Kúni búgin 71 nysannan turatyn sakraldy jerler tizimi qalyptastyryldy. Olardyń biraz bóligin seısenbi kúni mádenıet salasynyń ókilderi aralap shyqty. Aldaǵy aptada jastar bastamalaryn damytý ortalyǵynyń jetekshiligimen serpindik stýdentterge kıeli oryndar tanystyrylatyn bolady. Pavlodar oblysynyń kıeli jerleriniń tizimi aımaqtaǵy bes týrıstik fırmalarǵa berildi. Onyń ishinde «Saıat Pavlodar» týrfırmasy halyq úshin arnaıy karta jasap, qala qonaqtaryna usynatyn bolady».
Eske sala keteıik, elimizdiń ońtústik óńirinen «Serpin» baǵdarlamasy boıynsha kelgen 505 stýdent oblysymyzdaǵy jeti oqý orynynda 12 mamandyq boıynsha bilim alýda. Olardyń 200-i bıyl kelgen.
