Pavlodarda Semeı polıgonynan zardap shekkender qoǵamdyq kólikte tegin júretin boldy
PAVLODAR. KAZINFORM - Semeı polıgonyndaǵy ıadrolyq synaq saldarynan zardap shekken zeınetkerler Pavlodardaǵy qoǵamdyq kólikte tegin júrý quqyǵyna ıe bolmaqshy.
Bul týraly Pavlodar qalalyq máslıhattyń sessııasynda qaraldy. Depýtattar qoǵamdyq kólikte tegin júrý quqyǵyn qosa alǵanda, kólik qyzmetterine jeńildikter belgileý týraly máseleni de talqylady. Jıynda álgindeı múmkindikke ıe áleýmettik sanattar qataryn tolyqtyrý jobasy bekitildi.
Oblys ortalyǵynda Semeıdegi polıgonnan zardap shekken bir jyrym myńǵa jýyq zeınetker bar eken. Olarǵa avtobýs pen tramvaıda tegin júrýdiń ýaqytyn qosymsha jarııalaıdy. Aıtý kerek, Pavlodarda tegin jáne jeńildetilgen tarıfpen qoǵamdyq kólikte júrýdi qarjylandyrý kózi qalalyq bıýdjetten jasalady. Tizimdi ákimdik pen máslıhattyń birlesken qaýlysy negizinde bekitedi.
Buǵan deıin Pavlodar tramvaı parki nelikten oblystyń kommýnaldyq menshigine ótkenin jazǵanbyz.
