Pavlodarda selfı jasaımyn dep poıyzdyń tóbesine shyqqan qyzdy tok soqty
PAVLODAR. QazAqparat - Pavlodar turǵyny poıyzdyń tóbesinde selfı jasaımyn dep aýyr jaǵdaıda aýrýhanaǵa tústi, dep habarlaıdy QazAqparat.
Pavlodarnews resýrsynyń jazýynsha, boıjetkenniń jaǵdaıy aýyr.
Qaıǵyly oqıǵa Jolqudyq temirjol stansasynda bolǵan. 18 jastaǵy qyz selfı túsirý úshin poıyz vagonynyń ústine shyqqan kezde ony tok soqqan.
- Boıjetkendi elektr togy soqqan. Denesiniń jartysy termııalyq kúıik alǵan, sondaı-aq ІІ-ІІІ dárejeli travmalyq shok bar. Basynyń shash ósetin bóligi soǵylǵan, - dep málim etti oblystyq densaýlyq saqtaý basqarmasynyń baspasóz qyzmeti.
Dárigerlerdiń sózine qaraǵanda qyzdyń denesiniń 50 paıyzy kúıip qalǵan. Atap aıtqanda denesiniń oń jaǵy, aıaǵy men qoly.
Boıjetkenniń poıyz vagonyna selfı úshin órmelep shyqqanyn kýágerler aıtqan.
