Pavlodarda segiz sýburqaq kúrdeli jóndeýdi talap etedi
ASTANA. QazAqparat - Pavlodardaǵy segiz sýburqaqqa kúrdeli jóndeý jumystaryn júrgizý kerek, dep habarlaıdy pavlodarnews.kz">pavlodarnews.kz .
Bul týraly búgin óńirlik kommýnıkatsııalar qyzmetinde ótken brıfıngte Pavlodar qalasy sáýlet jáne qala qurylysy bóliminiń basshysy Tımýr Aıdarhanov málim etti.
«Qalany kóriktendirý baǵdarlamasy aıasynda turǵyn úı-kommýnaldyq sharýashylyǵy mamandarymen qaladaǵy sýburqaqtarynyń jaǵdaıymen tanysyp qaıttyq. Tekseris nátıjesinde Pavlodardaǵy 19 sýburqaqtyń segizine kúrdeli jóndeý kerek ekeni anyqtaldy. Bul - Aımanov-Mır, Sátpaev-Lomov kósheleriniń qıylysynda, «Shańyraq» pen «Baıanaýyl» mádenı-saýyq ortalyǵy, saparjaı jáne ortalyq ámbebap dúkeniniń qasyndaǵy, qalalyq baq pen Lenın saıajaıynda ornalasqan sýburqaqtar», - dedi Tımýr Aıdarhanov.
Onyń aıtýynsha, sýburqaqtardy qalpyna keltirý jumystary qalanyń 2016-2017 jylǵy kóriktendirý josparyna kiredi. Aıta keterligi, osy maýsymda qaladaǵy barlyq sýburqaqtar úzdiksiz jumys istedi. Búgingi kúni bul nysandar óz jumysyn toqtatqan joq.
