Pavlodarda saıajaılar órtenip jatyr
PAVLODAR. KAZINFORM — Pavlodar qalasynyń ońtústik-shyǵys bóliginde saıajaılar men jaıylmadaǵy qurǵaq shóp janyp jatyr.
112 pýltine Pavlodar qalasy mańyndaǵy qurǵaq shóp pen saıajaı úıleriniń janýy týraly habarlama kelip túsken. Órt sóndirýshiler jalyndy birneshe baǵytta sóndirip jatyr.
— Oqıǵa ornyna Tótenshe jaǵdaılar mınıstrligi bólimsheleriniń kúshteri men quraldary jedel jiberildi. Sondaı-aq órtti joıýǵa memlekettik emes órtke qarsy uıymdardyń kúshteri men quraldary, Pavlodar sý arnasy jumyldyryldy. 102, 103 qyzmetteri, Tótenshe jaǵdaılar mınıstrliginiń Apattyq medıtsına ortalyǵy oqıǵa ornynda tur. Órttiń aýdany anyqtalyp jatyr, - dep habarlady Tótenshe jaǵdaılar mınıstrliginiń baspasóz qyzmetinen.
Órtti sóndirý jumystaryn ekpindi jel qıyndatyp tur. Jaǵdaıdy baǵalaý úshin ushqyshsyz ushý apparattarynyń kómegimen aerovızýaldy tekserý júrgizilýde. Jedel shtab jumys qurylǵan.
Eske sala keteıik, buǵan deıin de Ertis ózeniniń jaıylmasynda qurǵaq shóp pen qamys órtendi.
Sondaı-aq pavlodarlyq baǵbandar úshin saıajaı ustaý óz tıimdiligin joǵaltyp bara jatqany týraly jazǵanbyz.