Pavlodarda saıajaı órtenip ketti
ASTANA. QazAqparat - Pavlodarda «Entýzıast» saıajaı ýchaskesin órt shaldy, dep habarlaıdy pavlodarnews.
Oblystyq TJD baspasóz qyzmetiniń habarlaýynsha, tilsiz jaýdyń oryn alǵany týraly habarlama kezekshilik pýltine saǵat 13.24-te túsken.
Oqıǵa ornynda jeke quramnan tórt tehnıka men 10 adam jumys istep, saǵat 14.54-te tolyǵymen sóndirilgen. Qyzyl jalyn 70 sharshy metr aýmaqty sharpydy. Tórt bólmeli úıdiń tóbesiniń aǵash qurylymdary men jıhaz, tereze, balkon janǵan.
Abyroı bolǵanda, zardap shekkender men qurbandar bolmady. Qazirgi tańda keltirilgen shyǵyn kólemi anyqtalýda, - dedi departamentte.
Aldyn ala boljam boıynsha, órttiń shyǵýyna otty abaısyz qoldaný sebep bolǵan.
