Pavlodarda saýda úıleriniń birinde 160 gramm geroınmen 40 jastaǵy azamat ustaldy
ASTANA. 18 qańtar. QazAqparat /Rýslan Ǵabbasov/ - Pavlodar polıtsııasy saýda úılerdiń birinen 160 gramm geroınmen er adamdy quryqtady.
Bul týraly búgin Іshki ister mınıstrliginiń baspasóz qyzmetinen habarlady.
«Pavlodardyń polıtseıleri jedel aqparatty tekserý kezinde saýda úılerdiń birinen 40 jastaǵy turǵyndy quryqtady. Jeke basyn tintý kezinde odan 160 gramm geroın tárkilendi», - delingen taratylǵan málimette.
Kúdikti Ýaqytsha ustaý abaqtysyna qamaldy. Іri kólemde esirtki saqtaý faktisi boıynsha qylmystyq is qozǵalyp, tergeý amaldary júrgizilýde.
Al Almatynyń polıtsııa qyzmetkerleri qala aýdandarynyń birinde 50 jastaǵy jergilikti turǵyndy óz úıinde ustady. Tintý júrgizý kezinde onyń úıinen 194 gramm geroın tabylǵan.
