Pavlodarda saýda úılerine adamnyń bet-álpetin tanıtyn beınekameralar ornatyldy

Pavlodardaǵy saýda úılerine adamnyń bet-álpetin taný fýnktsııasy bar beınekameralar ornatyldy, dep habarlaıdy QazAqparat Polisia.kz saıtyna silteme jasap.

«Atrıým saýda úıi, SMALL jáne GRENWICH saýda núkteleri jelisimen is-qımyl barysynda tulǵany taný júıelerin neǵurlym tıimdi paıdalaný týraly ýaǵdalastyqtarǵa qol jetkizildi. Bul júıeler izdeýde júrgen qylmyskerlerdi, habar-osharsyz ketken adamdardy, alımentti qasaqana tólemeıtinderdi jáne basqa da kúdikti adamdardy tanýǵa múmkindik beredi», - dedi Pavlodar oblysy PD bastyǵy Vasılıı Sklıar.

Qoǵamdyq oryndardaǵy urlyqtyń aldyn alý maqsatynda «Polıtsııanyń qazaqstandyq servıstik modeli» pılottyq jobasy aıasynda Pavlodar qalasy men oblys aýmaǵynda qyzmetin júzege asyratyn shaǵyn jáne orta bıznes ókilderimen turaqty negizde jumys júrgizilip jatyr. Bıznes salasynyń ókilderimen, iri saýda úıleri, dúkender men oıyn-saýyq mekemeleriniń qaýipsizdik qyzmetteri jáne kúzet qurylymdarymen tyǵyz yntymaqtastyq ornatyldy. Polıtseıler urlyq jasaýǵa beıim adamdardyń fotosýretteri bar tizimderdi qoǵamdyq oryndarda turaqty negizde ornalastyrady. Adam kóp jınalatyn jerler men qoǵamdyq kólikterde aýdıo habarlandyrý jasalady.