Pavlodarda saýda úıinen kıim urlaǵan turǵyn ustaldy
PAVLODAR. QazAqparat - Saýda úıleriniń birinde kıimder urlaǵan oblys ortalyǵynyń turǵyny qolǵa tústi, dep habarlaıdy pavlodarnews.kz.
Oblystyq PD baspasóz qyzmetiniń málimetinshe, saǵat 14.00-de áıel adam eshkim baıqamaǵan sátti paıdalanyp, dúńgirshekterdiń birinde jeıde urlaǵan. Kıimdi uıashyqqa salyp qoıyp, bir saǵattan keıin sol saýda úıindegi basqa dúńgirshekten kúrteshe urlap ketken.
«Biraq ol urlanǵan zattarmen alysqa kete almady. Kúdiktini saýda ortalyǵynyń kúzet qyzmetkerleri ustady. Mundaı iske barǵan azamatsha eshbir jerde jumys istemeıtini anyqtaldy», - dedi departamentte. Atalǵan faktige qatysty QR QK 187- baby boıynsha sotqa deıingi tergeý júrgizilýde.