Pavlodarda saýda úıi órtendi
PAVLODAR. QazAqparat – «Araı» saýda úıinde jalpy aýdany 1500 sharshy metr aýmaqta býtıkter, keńseler jáne shatyr janyp ketti, dep habarlaıdy QazAqparat tilshisi.
«12 qazanda saǵat 01:00-de Pavlodardaǵy Isınalıev kóshesi, 58 mekenjaıyndaǵy «Araı» saýda úıiniń órtenip jatqany týraly habar kelip tústi. Órt 1500 sharshy metrdi sharpyǵan», - dep habarlady Pavlodar oblysy polıtsııa departamentiniń baspasóz qyzmeti.
Qutqarýshylardyń aıtýynsha, oqıǵa saýda úıiniń ońtústik jaǵynda bolǵan. Qaza tapqandar men zardap shekkender joq.
«Eki magıstraldy jeli tartyldy. Órt 04:15-te aýyzdyqtalyp, 04:55-te sóndirildi. Órttiń aldyn ala sebebi – jaryqtandyrý qalqanyndaǵy qysqa tuıyqtalý. Kelgen shyǵyn kólemi anyqtalýda», - dep túsindirdi vedomstvo.
Oqıǵa ornyna jeke quramnyń 77 adamy 16 kólikpen kelgen.
