Pavlodarda Sátbaev atyndaǵy kanalda er adam sýǵa batyp ketti
PAVLODAR. KAZINFORM - Óńirlik tótenshe jaǵdaılar departamentiniń aqparynsha, 1987 jylǵy er adam shomylýǵa tyıym salynǵan jerde sýǵa túsken.
Tótenshe jaǵdaılar departamentiniń málimetinshe, jedel-qutqarý jasaǵynyń qutqarýshylary eki birlik arnaıy tehnıkany tarta otyryp, 1987 jyly týǵan er adamnyń denesin sýdan alyp shyqqan.
– Aldyn ala málimet boıynsha, qaıǵyly oqıǵa shomylýǵa tyıym salynǵan jerde sýǵa túsý kezinde bolǵan, - dep habarlady vedomstvodan.
Qutqarýshylar Qanysh Sátbaev atyndaǵy kanaldyń tehnıkalyq gıdrotehnıkalyq nysan bolyp tabylatynyn jáne onda shomylýǵa qatań tyıym salynǵanyn eskertedi.
Department mamandary turǵyndarǵa sý aıdyndaryndaǵy qaýipsizdik qaǵıdalaryn qatań saqtaýdy, tek arnaıy jabdyqtalǵan jaǵajaılarda ǵana demalýdy jáne shomylýǵa arnalmaǵan qaýipti jerlerge túspeýdi suraıdy.
Eske sala keteıik, Oralda sýǵa batyp ketken alty jasar bala aýrýhanada kóz jumdy.
