Pavlodarda sanıtar dáriger Reseıde berildi degen jalǵan PTR testilerdi anyqtady
PAVLODAR. QazAqparat – Karantın shekteýi engizilgennen bastap Pavlodar oblysyna 80 myńnan astam adam keldi, dep habarlaıdy QazAqparat Pavlodarnews.kz-ke silteme jasap.
PTR test nátıjesi Qazaqstan aýmaǵyna jaıaý da, jeńil avtokóliktermen de keletin basqa elderdiń barlyq azamatynda bolýy kerek.
«Sharbaqty» shekarasynyń avtomobıldi ótkizý beketinde táýlik boıy kezekshilik ýaqytynda biz shekaradan ótetin adamdarǵa monıtorıng júrgizemiz. Sonyń barysynda men mórleri joq nemese nómiri kúdikti anyqtamalardy baıqadym. Olardy usynýshylarda rastaıtyn qujattar bolǵan joq», - dedi Sharbaqty aýdandyq sanepıdbaqylaý basqarmasynyń bólim basshysy Baqtygúl Aıgúmisova.
Baqtygúl Aıgúmisova bas keńsesi Barnaýlda ornalasqan reseılik zerthanalardyń biri - «Vrachebnyı alıans» medıtsınalyq ortalyǵy bergen anyqtamalardy tekserdi.
Aýdandyq basqarmanyń basshysy reseılik áriptesterimen baılanysyp, olar PTR test nátıjeleriniń kóshirmelerin jiberdi. Nátıjesinde olar jalǵan bolyp shyqty.
Reseılik dárigerler «Vrachebnyı alıans» bergen PTR test nátıjeleri qandaı qorǵanys dárejesi kerek ekenin aıtty, keıinnen olar anyqtamaǵa qosymsha QR kod ornata bastaǵan.
«Sharbaqty» Qazaqstan Respýblıkasynyń memlekettik shekarasynyń ótkizý pýnkti arqyly táýligine 200-den 300-ge deıin adam ótedi.
«Vrachebnyı alıans» medıtsınalyq ortalyǵynyń dırektory Vıacheslav Freınd oblystyq sanıtarlyq-epıdemıologııalyq baqylaý departamentine alǵys hat joldady. Vedomstvo óz kezeginde Baqtygúl Aıgúmisovany kásibı sheberligi úshin aqshalaı syılyqpen marapattady.
