Pavlodarda salynyp jatqan úıge avtokran qulap ketken
PAVLODAR. QazAqparat – Áleýmettik jelilerde Pavlodardaǵy «Shańyraq» oblystyq halyq shyǵarmashylyǵy jáne mádenı-demalys ortalyǵy janyndaǵy saıabaqta salynyp jatqan ǵımaratqa qulaǵan júk kranynyń vıdeosy tarap ketti, dep habarlaıdy QazAqparat tilshisi.
«Biz qazir jaǵdaıdy anyqtaýdamyz. Eń bastysy – zardap shekkenderdiń bar-joǵyn bilý», - dep túsinik berdi QazAqparat tilshisine aımaqtyń bas memlekettik eńbek ınspektory Asqar Qapanov.
Áýesqoı túsirilim kadrlarynda qurylysy aıaqtalmaǵan úıge kóp tonnaly júk tehnıkasynyń aýdarylǵany kórsetilgen. Qazir eńbek ınspektsııasy tehnıkany tizgindegen júrgizýshiniń jaǵdaıyn anyqtap jatyr.
«Aldyn ala málimetter boıynsha, eshkim zardap shekken joq», - dep atap ótti A.Qapanov.
