Pavlodarda salynyp jatqan ǵımarat qırap, úıindi astynda qalǵan 3 adam aýrýhanaǵa jetkizildi
PAVLODAR. QazAqparat - Pavlodarda qurylys júrip jatqan úı qulap, saldarynan úsh adam jaraqat aldy. Zardap shekkender №1 qalalyq aýrýhanaǵa jetkizildi, dep habarlaıdy QazAqparat oblystyq tótenshe jaǵdaılar departamentine silteme jasap.
Departamenttiń Instagram paraqshasyndaǵy málimetke sensek, Pavlodarda Toraıǵyrov kóshesi, 75/3 mekenjaıynda salynyp jatqan úsh qabatty úı jartylaı qulaǵan.
Oqıǵa týraly habarlama saǵat 19:39-da kelip túsken.
Oqys jaıttyń oryn alýyna edenderdiń buzylýy sebep bolǵan. E ki qabattaǵy qulaǵan aýmaqtyń alańy - 60 sharshy metr.
«Tótenshe jaǵdaı ornyna Pavlodar oblysy TJ departamentinen 12 qyzmetker men 3 tehnıka, apattar medıtsınasy ortalyǵynan 3 qyzmetker jáne 1 tehnıka jedel shyqty. Qutqarýshylar zardap shekken úsh er adamdy tapty. 1987 jylǵy er adam jabyq bassúıek mı jaraqaty, bas mıynyń shaıqalýy, sannyń jyrtylýy, 1996 jylǵy er adam jabyq bassúıek mı jaraqaty, bas mıynyń shaıqalýy, oń qolynyń jyrtylýymen jəne 1993 jylǵy er adam naqtylanbaǵan dıagnozben aýrýhanaǵa jetkizildi. Apattar medıtsınasy ortalyǵynyń qyzmetkerleri alǵashqy medıtsınalyq kómek kórsetti» dep habarlaıdy TJD.
Quqyq qorǵaý organdary Qazaqstan Respýblıkasy QK 277-baby boıynsha sotqa deıingi tergeýdi bastady.
Oqıǵanyń sebep-saldary anyqtalyp jatyr.
