Pavlodarda salynyp jatqan mekteptiń tóbesi opyrylyp, birneshe adam zardap shekti

PAVLODAR. KAZINFORM – Búgin saǵat 17:00 shamasynda medıtsına qyzmetkerleri men qutqarýshylarǵa shaqyrtý tústi. Habarlamada tóbesi opyrylǵany aıtylǵan.

Pavlodar oblysy TJD málimetinshe, opyrylý Qazpravda men Makataev kósheleriniń qıylysyndaǵy salynyp jatqan ǵımaratta bolǵan.

— Aldyn ala derekter boıynsha, úıindi astynda 1967 jyly týǵan er adam bolýy múmkin. Oqıǵa ornyna TJD-nyń shamamen 20 qyzmetkeri men 6 tehnıkasy jedel jetti. Apattyq-qutqarý jumystaryn júrgizý úshin jylý túsirgishi bar dron qoldanylyp jatyr, — dep habarlady óńirdiń tótenshe jaǵdaılar departamenti.

Oqıǵa ornynda jedel shtab qurylyp, qutqarýshylar barlaý jáne úıindilerdi tazalaý jumystaryn júrgizip jatyr.

Medıtsınalyq qyzmet ókilderiniń málimetinshe, ortasha aýyr jaraqat alǵan eki adam aýrýhanaǵa jetkizildi. Tekserýden keıin olar ambýlatorııalyq emdeýge jiberildi.

— Mektep qurylysyndaǵy qurylys konstrýktsııalarynyń opyrylýy faktisi boıynsha polıtsııa «Qurylys jumystaryn júrgizý kezinde qaýipsizdik erejelerin buzý» baby boıynsha qylmystyq is qozǵady, — dep málim etti Pavlodar oblysy polıtsııa departamenti.

Qazirgi ýaqytta bolǵan oqıǵanyń barlyq mán-jaıyn anyqtaý úshin tergeý júrgizilip jatyr. 

Aıta ketelik Pavlodarda jumysshylarǵa 737 mln teńge eńbekaqy tólemegen kásiporyn anyqtaldy.