Pavlodarda salynyp jatqan mektep qurylysy bıyl aıaqtalmaıtyny belgili boldy
PAVLODAR. KAZINFORM - Oblys ortalyǵynda boı kóterip jatqan №47 bilim uıasy áýeli qyrkúıek aıynda, odan soń jyl aıaǵynda paıdalanýǵa beriledi dep josparlanǵan. Alaıda qurylystyń bıyl tapsyrylmaıtyny anyqtalyp otyr.
Gagarın kóshesindegi 600 oryndyq jańa mekteptiń qurylysy byltyr bastalǵan. Qurylys Maqpaleev atyndaǵy orta mekteptiń aýmaǵynda júrgizilip jatyr. Alǵashqyda bıylǵy 1 qyrkúıekte ashylady dep josparlanǵan bilim uıasynyń qurylysy jyl sońyna shegerildi. Óńirlik qurylys basqarmasy qazirgi ýaqytta ǵımarattyń ishki árleý jumystarynda azdap kemshilikter kezdesip otyrǵanyn, tutastaı alǵanda qurylys-montajdaý jumystary tolyqtaı aıaqtalǵanyn habarlady.
- Qurylys ornyna turaqty baryp, jumys barysyn tekserýdemiz. Іshki árleý jumysyndaǵy kemshilikter joıylyp jatyr. Qazir jıhazdar da ornalastyrylyp jatyr. Anyqtalǵan usaq kemshilikter tolyq joıylǵan soń tehnıkalyq aktige qol qoıyp, ǵımaratty bilim berý basqarmasynyń quzyryna ótkizemiz, - deıdi qurylys basqarmasynyń basshysy Asqar Ajmurat.
Bılik ókilderi jańa bilim uıasy jyl sońyna deıin tolyq tapsyrylmaıtynyn aıtady. Sondyqtan ony iske qosý keler jylǵa shegeriledi.
Eske sala keteıik, bıyl 1 qyrkúıekte Pavlodarda 1200 oqýshyǵa arnalǵan qazaq mektebi ashyldy.