Pavlodarda salyqtyq tekserýler 20%-ǵa qysqarǵan

PAVLODAR. KAZINFORM — Oblystyq memlekettik kirister departamenti ótken jyly 865 salyqtyq tekserý júrgizgen. Bul aldyńǵy jylmen salystyrǵanda 211-ge az.

Ertis-Baıan óńirindegi salyqtyq tekserýler sany 20%-ǵa kemigeni anyqtaldy. 

— Bizdiń stragetııalyq mindetimiz tekserýler sanyn barynsha qysqartý jáne olardyń sapasyn ulǵaıtý boldy. Nátıjesinde tekserýler sany 20%-ǵa qysqardy. Al bıýdjetke túsetin qosymsha salyqtardyń 150%-ǵa óskeni tirkeldi, — deıdi Pavlodar oblysy boıynsha memlekettik kirister departamentiniń basshysy Erjan Toqtarhanov.

Memlekettik bıýdjetke túsimder 849,6 mlrd teńgeni qurap, bul kórsetkish 2024 jylǵa qaraǵanda 18,6%-ǵa artqan. Ósim133 mlrd teńgeni qurap otyr. Osylaısha tekserýler sanynyń qysqarýy óz tıimdiligin baıqatyp otyr.

Al departamenttegi memlekettik qyzmetterdiń 99%-y elektrondyq formatta kórsetilgen.

Eske sala keteıik, Qazaqstanda salyq deklaratsııasyn avtomatty túrde tapsyrý múmkindigi iske qosyldy.