Pavlodarda robot sot oryndaýshysy boryshkerlerdiń 7,5 mln teńgesin únemdep qaldy
PAVLODAR. KAZINFORM - Ádilet mınıstrligi jarty jyl buryn Ertis-Baıan óńirinde «Robot sot oryndaýshysy» pılottyq jobasyn iske qosqan. Tsıfrlyq robot boryshkerlerge qaryzy men jeńildetilgen óndiris týraly aqparatty avtomatty túrde eskertedi.

«Robot sot oryndaýshysy» pılottyq jobasy Pavlodar óńirinde óz nátıjesin tanyta bastaǵan. Jarty jyl buryn iske qosylǵan tsıfrlyq robot boryshkerlerdiń sot oryndaýshylaryna tóleıtin tólemderin 7,5 mln teńgege únemdep qalǵan.
Óńirlik ádilet departamentiniń basshysy Marjan Imıatovanyń aıtýynsha, tsıfrlyq sot oryndaýshysy boryshkerlerge qaryzy men jeńildetilgen óndiris týraly aqparatty avtomatty túrde eskertip, telefon nómirine SMS jáne Egov Mobile qosymshasyna habarlamalar jiberedi. Jarty jyl ishinde júıe 14 myńdaı jeńildetilgen óndiriske aralasqan.
«Tsıfrlyq sot oryndaýshysy kóptegen artyqshylyqtarǵa ıe. Eń áýeli, adamdar sot oryndaýshylaryna komıssııa tóleýden qutylady ári olarǵa baryp keregi joq. Ekinshiden, robot qaryz somasy sheginde tek bir ǵana banktik shotty buǵattaıdy. Al ádettegi sot oryndaýshylary barlyq shottardy buǵattap tastaıtyny málim. Boryshkerler óz qaryzdaryn onlaın tólep, shottaryn avtomatty túrde buǵattan shyǵara alady», - deıdi ol.
Ádettegi sot oryndaýshylarynyń komıssııasy qaryz somasynan 25 paıyzdy quraıtynyn eskergen abzal.
Eske sala keteıik, Pavlodar polıtseıleri balalaryna 4,5 mln teńge qaryz ákeni ustady.