Pavlodarda respýblıkalyq mańyzy bar joldy sý shaıyp ketti
NUR-SULTAN. QazAqparat - Pavlodar oblysynda respýblıkalyq mańyzy bar joldy sý shaıyp ketti. Bul týraly búgin QR ІІM Tótenshe jaǵdaılar komıtetiniń tóraǵasy Vladımır Bekker málim etti, dep habarlaıdy QazAqparat tilshisi.
«Búgingi kúni respýblıka boıynsha sý tasqyny qaýipi turaqty. Degenmen, respýblıkalyq mańyzy bar joldy sý shaıýdyń bir deregi bar. Ol Pavlodar oblysynyń Baıanaýyl aýdanyna qarasty «Qalqaman-Baıanaýyl-Úmitker-Ýlıanov» tas jolynyń 101 shaqyrymynda erigen qar sýy jınalyp, uzyndyǵy 6 metrdi quraıtyn jol jolaǵyn shaıyp ketti. Osyǵan baılanysty atalǵan ýchaskede kólik quraldarynyń qozǵalysyna shekteý qoıyldy», -dedi komıtet basshysy.
Onyń dereginshe, oqıǵa ornynda «Qazavtojol» JShS-niń 13 mamany men 8 tehnıkasy joldy jóndeý jumystaryn júrgizip jatyr.
«Osy táýliktiń ishinde jol qalpyna keltiriledi dep oılaımyz. Atalǵan jol jolaǵyn qalpyna keltirý úshin qajetti materıaldar jetkizilip jatyr. Dál sol jerge dıametri 2 metr bolatyn eki sý ótkizý qubyry tóselgen bolatyn. Biraq, qar sýynyń jınalýy saldarynan jol búlindi», - dedi V.Bekker.
Foto: instagram/kolesa_pavlodara
