Pavlodarda respýblıkalyq tas joldardyń boıynda shuǵyl medıtsınalyq beketter ashylady

PAVLODAR. KAZINFORM - Mundaı bastama respýblıkalyq mańyzy bar joldardyń uzaqtyǵyn ári jol-kólik oqıǵalary saldarynan bolatyn ólimdi azaıtý úshin qolǵa alynyp otyr. Óńirde jol-kólik oqıǵalary kezindegi jazataıym oqıǵalardyń teris dınamıkasy baıqalady. Pavlodar oblysy aýmaǵyndaǵy respýblıkalyq mańyzy bar joldar boıynda shuǵyl medıtsınalyq beketter ashylady. Bul týraly Pavlodar oblysy ákiminiń baspasóz qyzmetinen habarlady.

- Jyldyń alǵashqy 10 aıynda óńirde bala týý, júrek-qantamyr júıesi aýrýlarynyń, jol-kólik oqıǵalary kezindegi jazataıym oqıǵalardyń teris dınamıkasy baıqalady. Oblys ákimi Asaıyn Baıhanov densaýlyq saqtaý basqarmasyn ǵana emes, salaýatty ómir saltyn qalyptastyrý boıynsha ıdeologııalyq jumysty da synǵa aldy. Anyqtalǵan aýrýdy emdeý emes, onyń aldyn alý eń jaqsy tájirıbe ekenin atap ótti. Respýblıkalyq mańyzy bar joldardyń uzaqtyǵyn eskere otyryp, jol-kólik oqıǵalary saldarynan bolatyn ólimdi azaıtý úshin óńir basshysy Aqsý-Kýrchatov, Tereńkól-Jelezın baǵytyndaǵy respýblıkalyq joldardyń boıynda táýlik boıy qosymsha shuǵyl medıtsınalyq qyzmet beketterin ashýdy tapsyrdy, - dep málimdedi ákimdiktiń baspasóz qyzmetinen.

Eske sala keteıik, buǵan deıin Ertis-Baıan óńirindegi aqyly joldardyń qysqa daıyndyǵynda kemshilikter bar ekenin jazǵanbyz.